«Бейбітшілік – ел тілегі» атты бастауыш сынып оқушылармен мерекелік кездесу дөңгелек үстел басында ұйымдастырылды.

28 сәуір, сағат 11:00 де Наурызбай ауданы Отбасылық оқу кітапханасыныда «Бейбітшілік – ел тілегі» атты бастауыш сынып оқушылармен мерекелік кездесу дөңгелек үстел басында ұйымдастырдық. Мақсаты: оқушыларға 1-мамыр Қазақстан халқының Бірлігі күні туралы
толық мәлімет беру; Оқушыларды,бір-біріне достық қатынаста болып,ортаға деген сүйіспеншілік- терін арттырып,үлкенді сыйлауға,кішіге қамқор болуға үйрету; Қазақстанда тұратын басқа да, ұлт өкілдеріне шынайы да, қайырымды болуға баулу;
Мерекелік кездесу барысында: оқырмандарға «Қазақта бірлік болмай, тірлік болмас» - деген ұлағатты ұғым бар. Ендеше елімізде бейбіт өмір сүріп
жатқан ұлттар мен ұлыстар өкілдерінің татулығы артып, Қазақ елінің
нығайып, өркендеуіне өз үлестерін қосу керек екендігі айтылды. Осыны түсіне біліп,Тәуелсіз еліміздің намысын қорғайтын, бүгінімізді ертеңімізге
жалғайтын, қазақ елінің болашағы үшін жауап беретін бүгінгі ұрпақ
екенімізді естен шығармауға, Тәуелсіздігіміздің тұғыры биік, халқымыздың еңсесі жоғары, егемендігіміз баянды, тіліміздің мерейі әрқашанда үстем екенің бүлдіршіндерге баяндап бердік.