«Дүниежүзілік Азаматтық қорғаныс күні»

Алатау ауданы  А.Қарсақбаев атындағы №41 ЖББМ-де «Дүниежүзілік Азаматтық қорғаныс күні» тақырыбы аясында дене шынықтыру пәні мұғалімдерінің ұйымдастыруымен 10-11 сынып оқушылары арасында спорттық эстафеталық ойындар өтті. Спорттық ойындарда противогаз кию, минутына жылдам киініп шешіну, алғашқы медициналық көмек көрсету сайыстары қамтылды. Аталған шараның негізгі мақсаты: оқушыларға Азаматтық қорғаныс күні туралы ақпаратты насихаттай отырып, төтенше жағдайлардан сақтану жолдары мен алғашқы көмек көрсету әдістерін үйрету. Сонымен қатар, мұндай шаралар оқушылардың төтенше жағдайларға деген дайындық деңгейін арттырып қана қоймай, олардың бойына патриоттық сезім ұялататынына сенімдіміз.