«Радикалды діни ұйымдар мен секталардың интернет арқылы азаматтарды арбау тәсілдері»

№41 ЖББ мектебімізде маңызды әрі өзекті тақырыпта кездесу өтті. Алматы қаласының дін істері басқармасының өкілі, лектор, ақпараттық-түсіндіру тобының мүшесі, магистр, дінтанушы - Ерімбет Рамзан Еділбекұлы келіп 7,8,9,10 сынып оқушыларына «Радикалды діни ұйымдар мен секталардың интернет арқылы азаматтарды арбау тәсілдері» тақырыбында мазмұнды баяндама жасады.
Кездесу барысында оқушыларға интернет кеңістігіндегі қауіптер, күмәнді діни ағымдардың белгілері, олардың адамдарды қалай тартатыны туралы жан-жақты ақпарат берілді. Сондай-ақ, жасөспірімдердің сыни ойлау қабілетін дамыту, ақпаратты саралай білу және қауіпсіздік ережелерін сақтау қажеттілігі ерекше атап өтілді.
Осындай тағылымды шаралар жас ұрпақты сақтыққа, дұрыс таңдау жасауға және рухани тұрғыдан сауатты болуға тәрбиелейді.