Ата-аналар жиналысы!

 №41 ЖББМ-де жалпы мектепішілік ата-аналар жиналысы өтті. Бұл маңызды жиында әр сынып жетекші өз сыныбының ата-аналарымен жүздесіп, оқу-тәрбие үдерісіндегі өзекті мәселелерді талқылады.
Жиналыс барысында оқушылардың білім сапасы, тәртібі, қауіпсіздігі және тәрбиесі кеңінен сөз болды. Мұғалімдер ата-аналарға баланың мектептегі жетістіктері мен даму бағыттары туралы толық ақпарат беріп, алдағы мақсат-міндеттермен бөлісті. Сонымен қатар ата-аналар тарапынан қойылған сұрақтарға нақты жауаптар ұсынылып, өзара пікір алмасу жүргізілді.
Мектеп, ата-ана және мұғалім – бала тәрбиесіндегі ажырамас үштік. Осы үш тараптың тығыз байланысы мен бірлескен еңбегі ғана шәкірттің жарқын болашағына жол ашады. Бүгінгі жиналыс – осы ынтымақтастықтың айқын көрінісі болды.
Бала тәрбиесі – баршамызға ортақ жауапкершілік. Бірлесе жұмыс жасап, ұрпақ болашағына бірге үлес қосайық!