Бүгін лагерь тәрбиеленушілері музейге экскурсия жасап, ерекше әсерге бөленді. Балалар динозаврлардың макеттері мен ежелгі дәуірлерден қалған қазба байлықтарды тамашалап, тарих пен табиғаттың таңғажайып әлеміне саяхат жасады. Экскурсия барысында оқушылар өткен ғасырлардағы тіршілік туралы көптеген қызықты мәліметтермен танысып, көне жәдігерлердің құндылығын түсінді. Мұндай танымдық шаралар балалардың дүниетанымын кеңейтіп, ғылым мен тарихқа деген қызығушылығын арттырады.  

Жазғы лагерь оқушылары үшін қызықты әрі белсенді ойындар ұйымдастырылды. Ойын барысында балалар тапқырлықтарын көрсетіп, бір-бірімен ынтымақтастықта жұмыс жасап, көтеріңкі көңіл күй сыйлады. Осындай қызықты іс-шаралар арқылы оқушылар уақыттарын тиімді өткізіп қана қоймай, жаңа достар тауып, ұжыммен жұмыс жасау дағдыларын дамытады. 🌞 Көңілді демалыс – жарқын естеліктердің бастауы!