«Елтаңба, Ту, Әнұран – ел бірлігінің белгісі»

Абдолла Қарсақбаев атындағы №41 жалпы білім беретін мектептің «Бақыт мекені» жазғы лагерьінде «Елтаңба, Ту, Әнұран – ел бірлігінің белгісі» тақырыбында танымдық-тәрбиелік сабақ өткізілді.
Сабақ барысында балалар мемлекеттік рәміздердің маңызы мен мәнін тереңірек танып, олардың тәуелсіздігіміздің, елдігіміз бен бірлігіміздің символы екенін түсінді. Қызықты тапсырмалар мен танымдық жұмыстар арқылы оқушылар өз білімдерін толықтырып, Отанға деген сүйіспеншілік пен құрмет сезімдерін нығайтты.
Жас ұрпақтың бойына патриоттық құндылықтарды сіңіру – тәрбиенің маңызды бағыты. Осындай тағылымды іс-шаралар балалардың ел тарихына, мемлекеттік рәміздерге деген құрметін арттыра түседі.
💙 Мемлекеттік рәміздер – халқымыздың мақтанышы, тәуелсіздігіміздің тұғыры!